Ma jirtaa tab iyo xeelad aynu kukala soocikarno isbaddal doonka iyo isbaaro dhigadka?!

Intaynaan hoos u degin aynu milicsanno qisadan ku timid sunnada Rasuulkeenna maxammed ah (SCW):

“Qisadaani waxay dhacday xilligii Nabi Daawuud (CS). Waxaa u soo gardhigtay laba dumar ah oo middood wiilkeedii bahal qaatay, ka dibna isku qabsaday kii soo hadhay oo mid walba midda kale ku leedahay kaagii ayuu bahalku qaatay kanna waa kaygii. Nabi Daawuud markuu dhagaystay dacwadoodii, uuna sameeyay wixii baadhitaan ahaa, ayuu wiilkii u xukumay labada dumar ah tii weynayd.
Markay soo bexeen bay soo mareen Nabi Suleymaan (CS), markaas buu sameeyay xeelad uu ku soo saaro hooyada dhabta ah, markaas buu dadkii u dhawaa ka dalbaday in middi loo keeno si uu wiilka ugu kala jeexo labadooda, mid kastana ay nus u qaadato. Labadii haweenka ahaa dhab ayay u qaateen hadalkii Nabi
Suleymaan, markaas buu soo baxay mid walba mawqifkeedii. Tii yarayd oo ahayd hooyada dhabta ah way argagaxday; maxaa yeelay waa wiilkeedii oo halaagsamaya, markaas bay dalbatay inaan la kala goyn ee loo daayo tan weyn, tii kalese way aqbashay xukunkii; sidaa ayuuna ku ogaaday Nabi Suleymaan inay tan yari tahay hooyada dhabta ah, cunuggiina uu ugu xukumay”….
Allaahu akbar, xikmadi saw taas ma’aha? ducadii nabi suleymaan waatii ahayd:
“قَالَ رَبِّ اغْفِرْ لِي وَهَبْ لِي مُلْكًا لَا يَنْبَغِي لِأَحَدٍ مِنْ بَعْدِي ۖ إِنَّكَ أَنْتَ الْوَهَّابُ..[Surat Sad 35]”
Hagaag, Habkaas iyo heerkaas xikmadeed ma hubo inaynu adeegsankarno’e, haddana saw in wixii lafali, laga fiirsadaayi meesha kuma fiicna?…

Muddo dhawr iyo toban sanno ah waxaynu arkaynaa o’lole lagu magacaabay “isbadal-doon” si hoose markaad u dhuuxdid afkaarta riixayaasha O’lolahan, dibna u milicsatid marxaladihii uu soo maray, waxaad iswaydiinaysaa: horta, yaa isbaddal-doon ah si halkan iyo heerkan horay looga dhaqaaqo? yaase raba inuu halganka isbaaro udhigto si loo xaqiijiyo hadafka Ethiopia?!…. si aynu jawaabta su’aalahaas u raadinno, waa inaynu iswaydiinnaa isla su’aalo kale…

Yaa bilaabay ol’olahan?
Xaggay ku dambeeyeen raggii iyo dumarkii bilaabay?
Isbaddal doonku maka midaysan-yihiin nooca iyo heerka isbeddal ee loo baahan yahay?
Sababta isbadal raadintu ma xeer-dhawrid bay salka ku haysaa mise xaalad halgan oo taagan?
Saamayn noocee ahbuu ol’olahani ku yeeshay halganka (togan iyo taban)?
Mallaga yaabaa inay Ethiopia tahay cidda kaliya ee ku macaashtay lulankaas?
Xukun jacaylbaa xujjo laga dhigtaye, yaa huba inaan xukun jacayl kale loo ordaynin?
Haddiiba uu isbeddal yimaaddo, ma lagu qancidoonaa mise jawaabtu waxay noqon-doontaa ma’aha kani, kii aan rabay? sii wad su’aalaha……

Waxaannu nahay dad waawayn oo garaad leh (ragg iyo dumarba), meeshan (halganka) waxaaannu ku baabi’inay mustaqbalkanagii oo dhan, si aannu ubadkeenna mustaqbal ifaya ugu abuurno, sidaa awgeed ma aqbali-doonno aragti u dhiganta “biyihii webi xagaa jooga” oo aan la aqoonin cidda runta ah ee riixaysa (waa la ogyahaye waan la sheegaynin), islamarkaana ma inkiri doonno wixii danta iyo maslaxadda halganku ku jirto xadtaa hadday dadka qaarkii la khadhaadhahay!..

Waa lagama maarmaan, inaynu intaas ka badan sii mud-mudno qadiyaddan, si wax badani bulshada sama-doonka ah ugu caddaado.

Guulaysta halgamayaal iyo saaxiibayaal.
===========
Qisada xadiith-ka nabiga ku timid, waxaa soomaaliyeeyay: Sh Axmed Cabdi Samad.

Waxaa Qoray: Ismaaciil Cali Ismaaciil

Fikradaha Akhristayaasha (0)




ad




Wararka

Kacdoono Kabilowday Gobolka Liibaan Ee Wadanka Ogadenia.
- May 25, 2018
Wararka naga soo gaadhaya Gobolka Liibaan ee Koonfurta wadanka lagumaysto ee Ogadenia ayaa sheegaya ...
Daawo Muuqaal Kooban Oo Galabta laga Soo Duubay Jiida dagaalka Tukaraq
- May 25, 2018
Dagaalkii Tukaraq Oo Khasaare Badan Dhaliyay Hadaba Daawo Muuqaal Kooban Oo Galabta laga Soo ...
Masaajid Addis Ababa Lagu Dumiyay & Xiisad Kadhalatay.
- May 25, 2018
Wararka naga soo gaadhaya magaalada Addis Ababa ee xarunta Gumaysiga Itoobiya ayaa sheegaya khilaaf ...
Saraakiisha Tigreega & Odayaasha Soomaalida oo Siwayn Isu Maandhaafsan.
- May 25, 2018
Wararka naga soo gaadhaya wadanka Gumaysiga Itoobiya ayaa sheegaya in saraakiisha Tigreega ee wali ...
Deg Deg: Kacdoono Kabilowday Gobolka Liibaan Ee Wadanka Ogadenia.
- May 25, 2018
Wararka naga soo gaadhaya Gobolka Liibaan ee Koonfurta wadanka lagumaysto ee Ogadenia ayaa sheegaya ...
DEG DEG Wararkii Ugu Dambeeyey Dagaalkii Tukaraq ee Xalay Dhacay
- May 24, 2018
Daawo Dagaal Kulul Oo Mar la baad saakay Kabilawday Tukaraq HALKAN KA DAAWO
CAYDA SHACABKEYGA LOO SAFAY WAA CIQAAB LAGU QASBAY.
- May 24, 2018
Hordhac.. Marka hore inta aanan u jeedada qoraalkeygan een ugu magac daray ciwaanka kore ...
majiro cadow uga arxan-daran Cabdi iley laakiin Cabdi iley oo tagaa; ma’aha gumaysigii oo tagay, mana’aha dhammaadkii dulmiga.
- May 24, 2018
Waa markii imisaad?. Dadka reer Soomaaligalbeed horay uma soo marin, haddana majiro cadow uga ...
H. Warfaafinta JWXO oo Siminaar Saxaafadeed Usoo Xidhay Xubno Cusub.
- May 24, 2018
Gudoomiyaha hogaanka warfaafinta JWXO Mudane Hassan Moalin ayaa wuxuu usoo xidhay siminaar dhinaca saxaafada ...
Dilal Qorsheysan oo Laga Fuliyay Magaalada Muqdisho.
- May 24, 2018
Koox sheegatay in ay yihiin Daacish ayaa internetka kusoo bandhigay muuqaalo muujinaya askari dowladda ...