Bayaan ku saabsan dagaallada cadowgu ka dhex-wado qowmiyadaha Soomaalida iyo Oromada.

Bayaan ku saabsan dagaallada cadowgu ka dhex-wado qowmiyadaha Soomaalida iyo Oromada

September 17, 2017
Dagaallo uu soo abaabulay taliska TPLF ee Itoobiya ka taliya ayaa muddooyinkii dambe oo dhan ka dhacayay soohdimaha u dhexeeya qowmiyadaha Soomaalida iyo Oromada. Dagaalladaasi waxay horseedeen in labada dhinacba ay kaga dhintaan dad shacab ah oon waxba galabsanin oo boqollaal gaadhay. Waxay sidoo kale abuureen colaad wayn oo keentay in la laayo dad maxas ah oon waxba gaysanin, isla markaana la bara-kiciyo dadkii walaalaha ahaa ee waligoodba isla soo nolaan jiray.
Dagaalladan iyo colaadahan waxaa abuuray oo ka dambeeya taliska Addis Ababa ee TPLF ay hormuudka ka tahay, oo in badan ka shaqaynayay sidii uu isugu diri lahaa labada qowmiyadood ee walaalaha ah ee Soomaalida iyo Oromada, isagoo adeegsanaya maamullada gacan-yaraha u ah gumaysiga ee laba dhinac ka hawlgala. Danta uu gumaysigu ka leeyahay dagaalladan waa inuu isku naafeeyo awoodda shucuubta isaga la dagaallamaya, iyo inuu ka dalfiyo hadafkooda istiraatiijiyadeed ee ah inay dalalkooda ka xoreeyaan. Mana aha dagaallo ka dhashay dhul iyo wax la mid ah oo la isku haysto, sida ay gumaysiga iyo kalkaaliyayaashiisu faafinayaan.
Taliska gumaysiga ah ee TPLF gadh-wadeenka ka tahay wuxuu caan ku yahay inuu colaado iyo iska horimaadyo ka dhex-abuuro qowmiyadaha, si uu uga nasto dagaallada ay xoogagga gobonnimo doonka ahi ku hayaan, isla markaana u shiiqiyo kacdoonnada dadwayne ee lagu diiddan yahay nidaamka TPLF ee ka socda dhammaanba gobollada Itoobiya.
Qowmiyadaha Soomaalida iyo Oromadu waxay ka mid yihiin dadyowga la gumaysto ee cadaadiska iyo dhibaatooyinka ugu badan lagu hayo, waxayna safka hore kaga jiraan kuwa dulmiga ka dhiidhiyay ee u dagaallamaya inay xornimadoodii iyo sharaftoodii dib ula soo noqdaan. Waxay leeyihiin hal cadow, oo ah gumaysiga Itoobiya, sidaas darteed waxay waligood iska soo kaashan jireen, ilaa iyo haddana iska kaashadaan sidii loo xoojin lahaa halganka gobonnimo doonka.
Dhinaca kale, labada qowmiyadood waa dad wada-dhashay oo wadaaga dhaqan, dhiig iyo derisnimo, isla markaana ay dano badani ka dhexeeyaan, oon sina u kala maarmi karin.
Sidaas darteed, waxay JWXO ugu baaqaysaa in labadan qowmiyadood ay marka hore ogaadaan;
1. In cidda dagaalka iyo colaadda soo qorshaysay ay tahay TPLF iyo kalkaaliyayaal u adeega oo danaheeda ka shaqeeya
2. In danta ay ka leeyihiin ay tahay inay ku naafeeyaan halganka gobonnimo doonka ah iyo kacdoonnada dadwayne ee lagaga soo horjeedo
3. Iyo inay xukunkooda ku ilaashadaan dhiigga dadyowga walaalaha ahee ay isku dirayaan.
JWXO waxay sidoo kale ugu baaqaysaa labadan qowmiyadood inay sida ugu dhakhsaha badan u joojiyaan dagaallada iyo colaadaha uu gumaysigu ka dhex-huriyay, ayna is-ixtiraamaan oo qowmiyad waliba ay midda kale nabadgelyo iyo derisnimo wanaag kula noolaato.

Waxay kaloo ugu baaqaysaa dhammaan ururrada siyaasadeed, kuwa bulshada rayadka ah iyo waxgaradka labada qowmiyadood ee ka naxaya waxyeellada dadkooda, dhibaatooyinka gumaysigana ka dhiidhiyaya, inay ka shaqeeyaan sidii colaaddan loo soo afjari lahaa, kaalin muuqatana ay uga qaadan lahaayeen.
Si loo fashiliyo barnaamijyada siyaasadeed ee TPLF, waa in qowmiyadaha walaalaha ah ee Soomaalida iyo Oromadu ay ka wadashaqeeyaan sidii looga hortegi lahaa qorshayaasha dhagareed ee TPLF iyo kalkaaliyayaasheedu ay wadaan, halganka gobonnimo doonkana loo taageeri lahaa, si guusha kama dambaysta ah loo gaadho.
JWXO waxay si adag u cambaaraynaysaa xukuumadda gumaysiga Itoobiya, oo si toos ah uga dambaysa dagaallada iyo colaadaha ka dhex oogan qowmiyadaha kala duwan, waxayna beesha caalamka ka codsanaysaa in lagula xisaabtamo dambiyada dagaal iyo kuwa bani’aadamnimada ka dhanka ah ee xukuumadda Wayaanuhu sida joogtada ah u gasho

Fikradaha Akhristayaasha (0)




ad




Wararka

Shir Heersare Ah oo lagu soo Dhaweeyay Waftigii Wadahadalka ONLF oo hada Nairobi ka furmay.
- Feb 17, 2018
Sidii aan lawada soconayba waxaa  maalmihii lasoo dhaafay uu dalka Kenya gaar ahaan Magaalada ...
Qiso Murugo Leh xasuus tii Gaamurtay iyo xadgudubkii askarta Tigrayga Magaalada FiiQ Gobolka Nogob By Anas Xaad.
- Feb 17, 2018
xasuus tii Gaamurtay iyo xadgudubkii askarta Tigrayga Magaalada FiiQ Gobolka Nogob By Anas Xaad. Goobtu ...
Deg Deg Govenor Ali Bunoow oo ka Hadlay Hawadahadalkii ONLF & Ethiopia meesha ay ku dambeeyeen
- Feb 17, 2018
Deg Deg Govenor Ali Bunoow oo ka Hadlay Hawadahadalkii ONLF & Ethiopia meesha ay ...
Daawo Siyaasiyiinta Besha Hawiye Oo Ku Dhaartay Mooshinka Kheyre
- Feb 17, 2018
Daawo Siyaasiyiinta Besha Hawiye Oo Ku Dhaartay Mooshinka Kheyre
Daawo Waa hubaal Inay Ku An ficiyee Abwaan dhoodaan oo ka hadlay tan maanta taagan
- Feb 17, 2018
Daawo Waa hubaal Inay Ku An ficiyee Abwaan dhoodaan oo ka hadlay tan maanta ...
Turkiga & Maraykanka oo Kawada Hadlaya Xaalada Waqooyiga Suuriya.
- Feb 17, 2018
Turkiga iyo Maraykanka oo goradda isugu jiray Waqooyiga dalka Suuriya ayaa waxay isku raaceen ...
Deg Deg Afar Macalin oo Lagu dilay Magaalada Wajeer.
- Feb 17, 2018
Sida ay tibaaxayaan wararka ka imanaya Kenya 3 macllin ayaa lagu dilay Gobolka Waqooyi ...
Tony Bleir oo Baajiyay Safarkiisii Addis Ababa Sababta?
- Feb 17, 2018
Raysal-wasaarihii hore ee wadanka Ingiriiska Tony Bleir ayaa lasheegayaa in uu gabi ahaanba joojiyay ...
Wargayska US News oo Maqaal Dheer Kaqoray Xaalada Itoobiya.
- Feb 17, 2018
Wargayska caanka ah ee lagu magacaabo US News oo maqaal dheer kaqoray xaalada Itoobiya ...
Daawo Yaab Dabcasar Cabudwaq Kusoo Bandhigay Gabadho 8 Jiro Qudbo siro Lagu qabo
- Feb 16, 2018
Daawo Yaab Dabcasar Cabudwaq Kusoo Bandhigay Gabadho 8 Jiro Qudbo siro Lagu qabo