Shacabka Ethiopia (Soomaaligalbeed kuma jiro) Waxay R/Wasaaraha cusub ka filayeen inuu mudnaanta koowaad siin-doono qaadista xukunka deg-degga ah iyo joojinta dilalka Sharcidarrada ah ee Askartu banaanka sharciga ka fuliso

Sida muuqata mudnaan taas ka duwan ayuu R/Wasaaruhu qaatay oo ah inuu socdaal iyo khudbado-qurxoon ku hafiyo shacabkan dulmiga ka gadoodsan ee markii ugu horraysay taariikhda Muruqooda tijaabiyey.

Waxaa lays weydiinayaa: ilaa hadda maxaa loo qaadi layahay xukunka deg-degga ah oo xittaa afka looga dhawrayaa ka hadalkiisa? Maxay usii socdaan dilalka sharci-darrada ah? Maxaa daruuri ka dhigay khudbadahan faraha badan ee isku nuxurka ah, iyadoo lagu kaaftoomi karay hal-qudbo oo Tv-ga qaranka lagasii daayo kadibna tallaabooyin ficil ah lagu dhaqaaqo halkii kolba qawmiyad lasoo ammaani lahaa ama caayi lahaa kolba nuxurka khudbadda?

Si guud hadduu Ninkani xalaal-yahay (hadduu xor ka yahay Saraakiisha TPLF islamarkaana ku soconin siyaasaddii EPRDF ee munaafaqadda meer-meersan ahayd oo uu yahay hoggaame kacaan rayid ah) wuxuu haystaa taageero dhawr jaho ah oo u sahlaysa inuu ka guulaysto Saraakiisha xoogga waawayn ee sharciga ka sarreeya,
Waxaana ugu muhiimsan dhinacyada uu taageerada ka helayo:

1- Wuxuu heli taageerada xoogii isbeddelka weli taijaabada ah horseeday oo ah Shacabka Ethiopia aqlabiyadooda ah oo raba wax ka duwan wixii hore, hadduu xalaal-yahay shacabku waxay rabaan ayuu ku hoggaamin wuxuuna uga faa’iidaysan jiidhista caqabadaha waawayn ee hor taagan.
2- Wuxuu haddaba haystaa Taageerada galbeedka, gaar ahaan Maraykan oo raba inuuna isbeddelka Ethiopia noqonin mid fashilma ama dhicis ah kadibna horseeda mawjado kacdoonka cusub oo ugu dambyn sababa dagaal sokeeye ama bur-bur ku yimaadda dowladda dhexe ee Ethiopia.

Labadaa arrimood waxaa ka faa’iidaysigooda maarayn garan-waayey Farmaajaha Soomaaliya, sababtuna waxay ahayd sidii shacabku moodayey iyo xaqiiqada oo aad ukala fogaa; dadku waxay u haysteen hoggaamiye isbeddel-doon ah oo la dareen ah hooyadii Waayeelka ahayd ee uu Afkgooye kula kulmay laakiin xaqiiqadu waxay noqotay inuu yahay Wejiga koox qarsoon oo dalka hoos ka maamusha isagana meesha keensatay. Sidoo kale Iswaydiintu waxay noqon: Abiy Axmed ma hooyada 80 jirka ah ee Oromada ah ee dariida lugaynaysa iyadoo gacanta dhagax ku sidata oo caddaalad goobaysa ayuu la dareen yahay mise sida Farmaajo ayey bahashu kusoo biyo shuban-doontaa oo waa ninkii Shaadhka caddaa oo mid guduudan soo xidhay?.

ilaa hadda khudbadahan R/wasaaruhu waxay u muuqdaan masraxiyaddihii xisbigu (EPRDF) caanka ku ahaa ee munaafaqadda iyo Marin habaabinta bulshada ku dhisnaa, laakiin weli Ethiopian ku way sugaynaa biyo-dhaca sheekada waxayna u taageen ninkan laba-farood (midna duco midna habaar) laakiin isagaa kala dooran-doona!.

——
FG: Soomaalilabeed arrinteedu waa budo gooni u tuman marwalba, dhulka Soomaaligalbeed wuxuu Ethiopia u yahay Beertii Risiqa ee Mustaqbalka Ethiopia oo dhan, dadka Soomaaligalbeed na waxay ula mid-yihiin cayayaan Beertaa qurux badan ku dhashay oo in la buufiyo uun istaahila. Xukunkan deg-degga ah ee Shacabka Ethiopia ka cabanayaan warba umahayaan dadkeennu sababtoo waligoodba xukun Askareed iyo go’doon iyo dhaq-dhaqaaq la’aan ayey ku hoosjireen

xigasho ismacil cali ismaciil

Fikradaha Akhristayaasha (0)




ad




Wararka

War deg deg ah Bashiir_Ahmed_Makhtal ayaa hadda ka degay dalka Canada isaga oo 12 sano dulmi ugu xidhnaa Itoobiya.
- Apr 21, 2018
? Marka hore waxaa mahad oo dhan iska leh Allaah -swt, oo qaddaray ...
Vladimir Putin oo Diyaar U Ah Inuu Trump La Kulmo.
- Apr 21, 2018
Wasiirka Arimaha Dibada Ruushka Sergei Lavrov ayaa sheegay in madaxweyne Vladimir Putin uu doonayo ...
Falastiiniyiin Lagu Dilay Xadka Gaza & Israa’iil.
- Apr 21, 2018
Mas’uuliyiinta caafimaadka ee marinka Qaza ee Falastiin ayaa sheegay in afar qof oo Falastiniyiin ...
Wariye Caan Ah oo Lagu Bahdilay Garoonka Diyaaradaha Ee Addis Ababa & Dad Lalaayay.
- Apr 21, 2018
Wararka naga soo gaadhaya magaalada Addis Ababa ee xarunta Gumaysiga Itoobiya ayaa sheegaya in ...
Kacdoonkii Shacabka Gobolka Shiniile oo Dagmooyin Hor Leh Kufiday.
- Apr 21, 2018
Wararka naga soo gaadhaya Dagmada Shiniile ee xarunta Gobolka Siti ayaa sheegaya in kacdoonkii ...
Ururka ONLF waxaa la Aas-aasay sanadkii 1984. wuxuu halganka hubaysan billaabay sanadkii 1994. ujeeddada loo Aas-aasay Ururka waa inay dadka Soomaaligalbeed (Ogaadeeniya) helaan Aayo-katashi.
- Apr 21, 2018
Muddadii uu Ururku jiray wuxuu soo maray marxalado isugu jira dibu-dhac iyo horu-kac si ...
Kacdoonkii Shacabka Gobolka Shiniile oo Dagmooyin Hor Leh Kufiday.
- Apr 21, 2018
Wararka naga soo gaadhaya Dagmada Shiniile ee xarunta Gobolka Siti ayaa sheegaya in kacdoonkii ...
JIG JIGA. FARIN KA TIMID ABDI ILAY, BAHDIL IYO AFXUMO WAAN KU OGGAA BALSE CAFIS IYO GARASHO FOG MAYA.
- Apr 20, 2018
Isagoo hogaanka nabad galyada ayuu ku rad jooggay siduu dacwad halis ah ugu sameyn ...
Daaawo Wararkii Ugu Dambeeyay Oo Kusaabsan Xaalada Ethiopia
- Apr 20, 2018
Daaawo Wararkii Ugu Dambeeyay Oo Kusaabsan Xaalada Ethiopia
Deg Deg Daawo Soomaaliland oo Xabsiga Dhigtay Boqor Buurmadaw
- Apr 20, 2018
Maamulka Soomaaliland Oo Aalaaba Xarig la beegsada Dadka Magaca Bulshada Kudhex Leh Ee Aada ...