War deg deg ah Bashiir_Ahmed_Makhtal ayaa hadda ka degay dalka Canada isaga oo 12 sano dulmi ugu xidhnaa Itoobiya.

?

Marka hore waxaa mahad oo dhan iska leh Allaah -swt, oo qaddaray in walaalkeen Bashiir Axmed Makhtal xorriyaddiisii dib u helay kadib 12 sano oo xabsi ah iyo xukun baadil ah oo muddadiisu ahayd “Xabsi-daa’im”. Ilaahay waxaynu waydiisan inuu innaga dhigo kuwii xilliga adag sabra ee u adkaysta imtixaanka nolosha islamarkaana xilliga farxadda Alle u mahad-naqa ee aan qooqin.

Waxaan hambalyo u dirayaa guud ahaan shacabka soomaaliyeed, Shacabka Soomaaligalbeed/Ogaadeeniya iyo dhammaan bahda halganka Soomaaligalbeed.

Waxaan si gaar ah hambalyadan farxadda ula wadaagayaa laba Qoys oo runtii nagu qaali ah, inta taariikhdeennu jirtana magacoodu jiridoono – Insha allaah, waa reer Garaad Makhtal iyo reer Sheekh Ibraahim Cabdalla oo xadhigga Bashiir Makhtal si gaar ah u taabtay.

Lays kuma jiree Afar (4) ruux waa inaan mid mid ugu hambalyeeyo:
1. Bashiir Hooyadii, Faadumo Cabdi Samad oo maanta waayeel ah, hooyo Faadumo majiro wax uga qaalisan inay maanta maqasho wiilkeedii Bashiir oo xorriyaddiisii dib u helay, inkastooy duruuf adag oo adag ku xeeran tahay haddana waxaan leeyahay hooyo Faadumo HAMBALYO!.
2. Bashiir Afadiisa, Marwo Caziiza Sheekh Ibraahim oo runtii iyadoo Aroos farxadeed ku jirtay ilaahay qadaray inay la kulanto Imtixaan wayn laakiin sabar iyo adkaysi lagu ladhay gobanimo kaga soo gudubtay imtixaankii, waxaan leeyahay Marwo Caziiza HAMBALYO!.
3. Gabadha uu Abtiga u yahay, waa qof aan qof loo dhigaa jirin, waa walaasheen Basra sheekh Badri oo muddaddii 12ka sano ahayd ee uu Bashiir xidhnaa ku dul xidhnayn oon hal maalin ah danteeda u bixin, Basra waxaan ku leeyahay ilaahay haku darajeeyo labada daaroodba, walaal Basra waxaan leeyahay HAMBALYO!.
4. Bashiir inaadeerkii, Siciid Cabdi Makhtal oo runtii Halgan mara-xoornimo ah iyo dadaal qayru-caadi ugalay sidii uu Bashiir xabsiga uga soo saari lahaa. dhammaantood waxaan leeyahay HAMBALYO, HAMBALYO.
Intaa waxaan ku darayaa Bashiir farxaddiisu waa qabyo, labada qoys ee reer Makhtal daahir iyo reer Sheekh Ibraahim farxadoodu waa qabyo, bahda halganka iyo guud ahaan shacabkeenna dulman farxadoodu waa qabyo laba sababood dartood:
1. Dadkeennii waxay ku jiraan xilli adag oo adag, gumaad, gunnimo, silic iyo foolxumo ayey la nool-yihiin.
2. kumanaan maxaabiis ah oo madax halgan iyo dad caadi ah isugu jira ayaa dhooban Xabsiyada laga billaabo Addis ababa ilaa Fayr-fayr.

Fikradaha Akhristayaasha (0)




ad




Wararka

Kacdoono Kabilowday Gobolka Liibaan Ee Wadanka Ogadenia.
- May 25, 2018
Wararka naga soo gaadhaya Gobolka Liibaan ee Koonfurta wadanka lagumaysto ee Ogadenia ayaa sheegaya ...
Daawo Muuqaal Kooban Oo Galabta laga Soo Duubay Jiida dagaalka Tukaraq
- May 25, 2018
Dagaalkii Tukaraq Oo Khasaare Badan Dhaliyay Hadaba Daawo Muuqaal Kooban Oo Galabta laga Soo ...
Masaajid Addis Ababa Lagu Dumiyay & Xiisad Kadhalatay.
- May 25, 2018
Wararka naga soo gaadhaya magaalada Addis Ababa ee xarunta Gumaysiga Itoobiya ayaa sheegaya khilaaf ...
Saraakiisha Tigreega & Odayaasha Soomaalida oo Siwayn Isu Maandhaafsan.
- May 25, 2018
Wararka naga soo gaadhaya wadanka Gumaysiga Itoobiya ayaa sheegaya in saraakiisha Tigreega ee wali ...
Deg Deg: Kacdoono Kabilowday Gobolka Liibaan Ee Wadanka Ogadenia.
- May 25, 2018
Wararka naga soo gaadhaya Gobolka Liibaan ee Koonfurta wadanka lagumaysto ee Ogadenia ayaa sheegaya ...
DEG DEG Wararkii Ugu Dambeeyey Dagaalkii Tukaraq ee Xalay Dhacay
- May 24, 2018
Daawo Dagaal Kulul Oo Mar la baad saakay Kabilawday Tukaraq HALKAN KA DAAWO
CAYDA SHACABKEYGA LOO SAFAY WAA CIQAAB LAGU QASBAY.
- May 24, 2018
Hordhac.. Marka hore inta aanan u jeedada qoraalkeygan een ugu magac daray ciwaanka kore ...
majiro cadow uga arxan-daran Cabdi iley laakiin Cabdi iley oo tagaa; ma’aha gumaysigii oo tagay, mana’aha dhammaadkii dulmiga.
- May 24, 2018
Waa markii imisaad?. Dadka reer Soomaaligalbeed horay uma soo marin, haddana majiro cadow uga ...
H. Warfaafinta JWXO oo Siminaar Saxaafadeed Usoo Xidhay Xubno Cusub.
- May 24, 2018
Gudoomiyaha hogaanka warfaafinta JWXO Mudane Hassan Moalin ayaa wuxuu usoo xidhay siminaar dhinaca saxaafada ...
Dilal Qorsheysan oo Laga Fuliyay Magaalada Muqdisho.
- May 24, 2018
Koox sheegatay in ay yihiin Daacish ayaa internetka kusoo bandhigay muuqaalo muujinaya askari dowladda ...