Dagaalka Jabhada OLF iyo Itobiya oo noqday dagaal Kristan & muslim u dhexeeya.

Gobolada Galbeedka Oromia waxaa mudo Laba Todobaad ah kasocda dagaal culus oo u dhexeeya ciidamada milateriga Itobiya iyo ciidanka Jabhada Oromada ee OLF.

Dagaalkan oo mamulka Oromadu uu kudhawaaqay xukuumada dhexe ee Addis ababana ku Taageertay ayaa noqon waayay sidii ay kuwadeen, waxayna Jabhada OLF Heshay Taageero lama Filaana oo waxgaradka, culimada, dhalinyarada, iyo Qaybaha bulshadu ku Garab istaageen.

Dagaalkan ay si fudud u Qaadeen mamulada kala sareeya ee ururka ODP-da ayaa Waji cusub Yeeshay waxayna dadka Oromada ah oo u badan muslim, dareemeen in Ururka OLF dagaalka lagu Qaaday Yahay mid salka kuhaya Nacayb diimeed maadaama ODP-da madaxdeeda iyo Taageerayaashedu Kristan yihiin.

Arinta uga sii dartay xaalada ayaa ah in saraakiil sare oo katirsanaa ciidamada Liyuu Haylka Oromada iyo kuwa milateriga ee kasoo Jeeday Oromada muslimka ah, ay kubiiraan Jabhada OLF kadib markii ay u arkeen dagaalka lagu Qaaday OLF inuu yahay mid salka kuhaya Takoorka Oromada muslimka ah iyo madaxdooda.

War saxaafadeed shalay uun kasoo baxay mamulka Oromada ayay kusheegeen in Jabhada OLF ay Gabi ahaan burisay Heshiiskii Nabadeed ee kala dhexeeyay dawlada Itobiya, sidaa darteedna waxaa shacabka loogu Hanjabay in cid kaste oo Taageerta ay ciqaab adag mudan doonto.

Jabhada ayaa haatan maamusha inta badan Gobolada Gujji, Wollega, Arsi, Borana, iyo deegaama kale waxaana Hanjabaada cusub ee mamulka Oromadu Dab kusii Hurisay xaaladii cakirayd ee kajirtay Goboladaasi oo waxgaradkoodu kudhawaaqeen inay is difaacayaan.

Dhinaca kale baraha bulshada ayaa waxaa kasocda Olole balaadhan oo ay wadaan Oromada muslimka ah oo u muuqda kuwa Haatan ku baraarugay xaqiiqda dagaalka lagu Qaaday Jabhada OLF, waxayna ugu baaqayaan dadka Oromada ah ee muslimka ah inay iska difaacaan weerarada kaga imaanaya mamulka Takoorka iyo bahdilka kuhaya ee OPD-da.


<

Akhriste Halkani Hoose Ku Qor Fikradada (0)




,

Daawo:Jabuuti oo safaaradii ugu wayanayd magalada Muqdisho ka Furatay.
- Mar 18, 2019
Xaflad balaadhan oo lagu maamuusayo safaaradii ugu waynayd ee dawlada Jabuuti ay dibada kuyeelato ...
Ree Garbo oo wacdaro u muujiyay madaxda ONLF+ sawiro
- Mar 18, 2019
Wafdiga Jabhada Wadaniga Xoraynta Ogadenia ee uu Hogaaminayo Gudomiyaha JWXO Admiral Maxamed Cumar Cismaan ...
Shirkii joogtada ahaa ee ururka OYSU Ifo oo maanta qabsoomay
- Mar 17, 2019
Waxaa maanta oo ahyd maalin sabti ah taariikhduna kubeegantahay 17-03-2019 si quruxbadan uqabsoomay shirkii ...
Ciidanka Liyuu Police-ku ma ciidan xisbi baa mise waa ciidan deegaan? sawiro.
- Mar 17, 2019
Gobolka Doollo waxaa kusugan Taliyaha ciidanka Liyuu Police-ka Maxamed Xaaji iyo Laba kamida Lataliyeyaasha ...
Daawo:Jigjiga oo Kumanaan Itobiyan ah casho sharaf loogu sameeyay.
- Mar 17, 2019
Kumanaan dada oo Itobiya ka kala yimid oo Jigjiga u Joogay daawashada Tartanka ciyaaraha ...